WORKSHOP 8: Regueifa, con Alba María

Que teñen en común a cultura do hip hop e a tradición galega da regueifa? Neste obradoiro de improvisación viaxaremos desde a tradición ata a eternidade a través da regueifa e a súa intersección con outros xéneros coma o rap. Aprenderemos sobre rima, ritmo, melodías, versos e psicodinámicas da literatura de tradición oral, para persoas de 6 a 100 anos. A regueifa está na mesa!   Neste obradoiro de tres horas con Alba María, practicaremos a regueifa, un xénero de improvisación oral que ten a súa orixe no rito de reparto do pan nos banquetes dos casamentos. Un diálogo improvisado, en verso e cantado, convertido en espectáculo a través da rima e da retranca.