Beschreibung
<p>15 Jahr NaBiFeR - es letschts Mal.</p> <p>Am 7. November 2026 isch es tatsächlich so wiit: <br> Nach 15 Jahr fiiremer di allerletschti NaBiFeR. </p> <p>Was irgendwänn mal als Geburtstagsparty vom Nabil & de Feri agfange hät, isch über all di Jahr zu so viel meh worde. NaBiFeR isch oise Geburi, oise Träffpunkt und oisi gmeinsami Nacht gsi - und vorallem en Ort, wo mir jedes Jahr mit oisne Fründe händ döfe fiire.</p> <p>Und ganz ehrlich: was gits schöners, als 15 Jahr lang de eigeni Geburtstag mit so viel tolle Mänsche fiire zdörde!</p> <p>Und das Jahr gits gead no en Grund meh, nonal richtig Gas z'geh: D Feri wird 40gi!</p> <p>Und spötischtens jetzt wüssemer: Mer söt ufhöre wenn's am schönschte isch...oder bevor mer irgendwen a de eigene Party en Stuehl nebed de Tanzflächi brucht.</p> <p>Für di letscht Nacht holemer nomal DJ's zu ois, wo d NaBiFeR über vieli Jahr begleitet händ - di eine immer wieder, die andere fascht durchgehend. Mensche, wo mit ihrere Musig Teil vo all dene Nächt und Erinnrige worde sind.</p> <p>Aber di letschti NaBiFeR söll nöd eifach nume oisi Geburtstagspaety sii.</p> <p>Di Nacht ghört au oi!</p> <p>All dene, wo di letschte 15 Jahr mitghulfe händ. Wo ufbaut, dekoriert, organisiert, Musig gmacht, mitglacht, dureghalte und mit ois bis am Morge tanzr händ.</p> <p>Ohni oi wär d NaBiFeR nie das worde, was si gsi isch.</p> <p>I dene 15 Jahr sind so viel Erinnrige entstande. Nächt, über die mer hüt no redet. Begägnige, Fründschafte, völlige Blödsinn, durchtanzti Stunde - und ziemli sicher au di eintoder ander Gschicht, wo besser genau det bliibt, wo si passuert isch.</p> <p>D NaBiFeR wird für ois unvergässlich bliibe. Und das verdankemer all dene wo en Teil devo gsi sind.</p> <p>Drum wämmer nöd eifach still und heimlich d Türe hinder ois zuemache.</p> <p>Wämmer si nomal richtig krache la!</p> <p>Uf 15 Jahr NaBiFeR <br> Uf alli, wo en Teil devo gsi sind. <br> Uf alli Erinnrige. <br> Uf Fründschaft. <br> Uf de Feri ihri 40gi. <br> Uf em Nabil sini 41gi. <br> Uf de Nabil & Feri. <br> Und uf e allerletschti, verdammt gueti NaBiFeR!</p> <p>DJ's: <br> ♫♪★ Authentic (H.G.I.I.A.A.D.T) <br> ♫♪★ Bone (Castle Productions) <br> ♫♪★ Echnaton (Basement Level) <br> ♫♪★ KeSamoth (DreamTeam / Zeine) <br> ♫♪★ Krambambuli (Basement Level) <br> ♫♪★ Maestyk (Basement Level) <br> ♫♪★ NAKE (DreamTeam / H.G.I.I.A.A.D.T.) <br> ♫♪★ Purple Baze (H.G.I.I.A.A.D.T.)</p> <p> <br> Infos: <br> ★ Ab 21 <br> ★ ONLY CASH!! (Kein Twint, SumUp, etc.) <br> ★ 15 / 20 Franke Spassgebühr inkl. Garderobe <br> ★ Tickets via Eventfrog oder Abendkasse <br> ★ Feini Getränk zu super faire Prise <br> ★ Areis mit de ÖV's empfohle (wenig Parkplätz) <br> ★ Deko TBA </p>