Noreg i ei ny tid: Den nye frontlinjen. Geopolitikk, risiko og felles ansvar

Descripción

<h3>Med Tom Røseth, Andrea Mevold Zakariassen, Lise Øvreås og Ole Rasmus Øvretveit</h3><p>Geopolitikk er ikkje lenger noko som berre utspelar seg mellom statar, ved landegrenser eller på fjerne slagmarker. I dag går frontlinjene også gjennom næringsliv, forskingsmiljø, offentleg forvaltning, digitale system og globale verdikjeder. Sikkerheit handlar ikkje berre om forsvar og beredskap, men i aukande grad om vala som blir tekne av bedrifter, universitet, kommunar og andre samfunnsaktørar.</p><p>I denne utgåva av samtaleserien&nbsp;<em>Noreg i ei ny tid</em> møter vi&nbsp;<strong>Tom Røseth</strong>, hovudlærar ved Forsvarets høgskole og medforfattar av boka&nbsp;<em>Den nye frontlinjen: Geopolitikk, risiko og felles ansvar</em>. Med utgangspunkt i boka vil Røseth vise korleis den nye geopolitiske rivaliseringa påverkar samfunnet langt utover den tradisjonelle tryggingspolitikken, og kvifor spørsmål om teknologi, forskingssamarbeid, økonomi, forsyningskjeder og digital infrastruktur i aukande grad også er spørsmål om nasjonal sikkerheit.</p><p>Kva betyr den nye tryggingssituasjonen for Noreg? Korleis bør næringsliv, akademia og offentlege institusjonar handtere eit meir samansett og uforutsigbart trusselbilete? Kva inneber totalforsvar i praksis når samfunnskritiske funksjonar i stor grad ligg utanfor staten? Og korleis kan vi balansere openheit, samarbeid og tryggleik i ei tid prega av aukande internasjonal rivalisering?</p><p>Etter innleiinga følgjer ein panelsamtale med inviterte ekspertar. Så langt er&nbsp;<strong>Andrea Mevold Zakariassen</strong>, universitetslektor ved Institutt for samanliknande politikk, Universitetet i Bergen, stadfesta som paneldeltakar. Ein siste paneldeltakar vil bli annonsert seinare. Deretter opnar vi for spørsmål frå salen.</p><p><strong>Moderator er Ole Rasmus Øvretveit</strong>, statsvitar og forskar ved Universitetet i Bergen. Arrangementet blir opna av&nbsp;<strong>Lise Øvreås</strong>, direktør for Academia Europaea Bergen Hub.</p><p><em>Noreg i ei ny tid</em> er ein debattserie i regi av Academia Europaea Bergen Hub ved Universitetet i Bergen, og skal vere ein fast arena for samtale om dei store geopolitiske, teknologiske og samfunnsmessige endringane som vil påverke Noreg og Europa i tiåra som kjem.</p><p>Velkomen til ein kveld om geopolitikk, samfunnstryggleik og felles ansvar i ei ny tid.</p><p><strong>150/120,–</strong></p><p><strong>Gratis inngang for studentar ved framvising av studentbevis.</strong></p>