"Xırmanda" — CHARACTERS Teatrı

Description

CHARACTERS Teatrı British Council-ın dəstəyi ilə britaniyalı dramaturq Rori Mullarkinin eyniadlı pyesi əsasında hazırlanmış “Xırmanda” tamaşasını təqdim edir. “Xırmanda” — artan sinfi ziddiyyətlər və adət olunmuş dünyanın dağılması fonunda böyümə hekayəsidir. Kiçik səhnələr silsiləsi vasitəsilə tamaşanın quruluşçu rejissoru Mikayıl Merdinli tamaşaçıları tarladan və biçindən dəyirmana, çörəkçiyə, pendir istehsalına və dabbaqxanaya apararaq insanların əməyini, gündəlik həyatını və münasibətlərini izləyir. Bu fonda mövcud nizam sürətlə dağılır: yeni hakimiyyət gəlir, qaydalar və gələcəyə dair təsəvvürlər dəyişir. Tamaşanın mərkəzində üç çaşqın gənc dayanır – Eksford, onun bacısı Elsted və şəhərli Mörton. Onların taleləri tarixin xırmanında – əvvəlki dünyanın yoxa çıxdığı dönüş nöqtəsində üzləşir. Rori Mullarki — tanınmış dramaturq, libretto müəllifi və tərcüməçi, çoxsaylı mükafatların laureatıdır. Onun pyesləri Böyük Britaniyada və digər ölkələrdəki teatrlarda səhnəyə qoyulub. “Xırmanda” tamaşası British Council-ın dəstəyi ilə “Connections Through Culture” proqramı çərçivəsində həyata keçirilən “CHARACTERS on Stage” layihəsinin nəticəsidir. Pyesin müəllifi: Rori Mullarki İngilis dilindən tərcümə: Svetlana Turan Quruluşçu rəssam: Rufana Mamedova Prodüser: İsmayıl İman Rollarda: Məmməd Rəfiyеv, Atika Əliyeva, Əliulla Vəliyev, Avsəddin Ələkbərov, Fərid İsmayılov, Rəşad Əliyarov, Səbinə Asim, Fidan Ağaverdiyeva, Ərgün Camalzadə.