Tuva & Ronny – Eit show om kjærleik og gyros

<p>Tuva Fellman og Ronny Brede Aase inviterer til eit slags show om samliv, kjærleik og matskepsis. Om då Tuva blei sjuk, og om korleis dei gjekk frå å snakke om den greske hotelldraumen til faktisk å satse på han.</p><p>Draumen blei fødd over eit par gyros på Skiathos i 2013. Sidan har vegen vore både bratt, kronglete og full av overraskingar – med oppturar, nedturar og ei imponerande mengd ting som slett ikkje gjekk etter planen.</p><p>Mange har følgt reisa deira gjennom TV-serien om hotelldraumen i Hellas. No deler dei historiene bak det du såg på TV, det som aldri kom med – og kva som skjedde etter at kameraa blei slått av.</p><p>Velkommen til ein livleg, morosam og personleg kveld om livet saman, den store draumen og alle dei fine, vanskelege og ganske rare opplevingane undervegs.</p>