Musikksporet: Nordiske landskap – frå vårlys til skumring

<p>Program:</p><p>Grieg - Holbergsuite (20 min)</p><p>Svendsen - Alt under Himmelens feste (3. min Grieg - Våren (5 min)</p><p>Nielsen - Little suite (15 min)&nbsp;</p><p>Atterberg - Suite nr. 3 (12 min)</p><p>Sibelius - Valse triste (4 min)</p><p><br></p><p>Utøvare: Ensemble Allegria</p><p><br>Dette er eit unikt høve til å oppleve klassisk musikk kombinert med friluftsliv i vakre omgivnader og med utsikt til snøkledde valdresfjell. Her har du også moglegheit til å gå på ski til konserten og teste ut dei fine skiløypene i området, setje frå deg skia utanfor fjellkyrkja, gå inn i skiantrekk og nyte ein time med klassisk musikk før du tek på deg skia og held fram med skituren.</p><p>Eit konsertprogram fylt av nordisk klang, natur og stemning. Her møtest fest og folkedans, vårens forventning, lyse sommarbilete og stille vemod. Konserten opnar med Edvard Griegs elegante og leikne <em>Holbergsuite</em>, før Johan Svendsens høgtidelege <em>Alt under Himmelens feste&nbsp;</em>løfter blikket mot det storslåtte og himmelvende. Med Griegs <em>Våren&nbsp;</em>trer vi inn i eit lysare og meir lyrisk landskap – ei musikalsk skildring av naturens oppvakning.&nbsp;</p><p>Vidare går ferda til Carl Nielsens sprudlande <em>Little Suite&nbsp;</em>og Kurt Atterbergs fargerike <em>Suite nr. 3</em>, før Jean Sibelius’ gripande <em>Valse triste&nbsp;</em>rundar av konserten med ein heilt annan tone: mørkare, stillare og meir ettertenksam. Frå fest og folkedans til vårens forventning, nordisk natur og stille vemod – eit program som speglar breidda og det rike kjenslelandskapet i nordisk musikk.&nbsp;</p>