Noreg i ei ny tid: kampen om rettsstaten. Kva skjer når demokratiet blir sett på prøve?

<h3>Møt Hans Petter Graver og andre ekspertar.</h3><p><br></p><p>Demokrati og rettsstat blir ofte tekne for gitte. Men historia viser at dei grunnleggjande institusjonane som vernar fridom, rettar og maktfordeling kan vere langt meir sårbare enn vi ønskjer å tru. Kva &nbsp;skjer når politiske leiarar utfordrar domstolane, rettsvesenet blir politisert, eller grunnleggjande rettar blir sette til side i krisetider?</p><p>I boka <em>Kampen om rettsstaten</em> undersøker jurist og professor <strong>Hans Petter Graver</strong> korleis demokratiske samfunn kan gli i autoritær retning, og kva rolle rettsstatlege institusjonar spelar når politisk makt blir utfordra. Med historiske erfaringar frå mellomkrigstida og Nazi-Tyskland som bakteppe, men også med blikk &nbsp;mot vår eiga tid, viser Graver korleis demokratiet kan undergravast gradvis og innanfrå.</p><p>Denne kvelden inviterer vi til ein samtale om rettsstaten sine styrkar og svakheiter i ei tid prega av geopolitisk uro, polarisering og aukande press mot demokratiske institusjonar, mellom Hans Petter Graver &nbsp;og andre ekspertar.&nbsp;</p><p>Kor robuste er eigentleg dei demokratiske samfunna våre? Kva kan vi lære av historia? Og kva ansvar har akademia, media, juristar, politikarar og borgarar for å verne om rettsstaten?</p><p>Paneldeltakarar vil bli annonserte etter kvart. Samtalen blir leia av statsvitar <strong>Ole Rasmus Øvretveit</strong>.</p><p><strong>Hans Petter Graver</strong> er professor ved Institutt for offentleg rett ved Universitetet i Oslo og ein av Noregs fremste ekspertar på rettsstat, demokrati og rettshistorie. &nbsp;Gjennom ei årrekkje har han forska på forholdet mellom jus, politikk og makt, og han har gitt ut ei rekkje bøker om rettslege og samfunnsmessige spørsmål.</p><p>Professor ved UiB <strong>Lise Øvreås</strong>, leiar av Academia Europaea Bergen, åpnar møtet.</p><p><strong>150/120,–</strong></p><p><strong>Gratis for studentar ved framvising av studentbevis og for medlemmar av Academia Europaea</strong></p><p><strong>Arrangementet er eit fast samarbeid mellom Academia Europaea Bergen (husa av UiB), Litteraturhuset i Bergen og Polarforskarnettverket ved UiB.</strong></p>