Jólatónleikar Bertu og Svans í Hannesarholti

Hannesarholt || 5. desember

Jólatónleikar Bertu og Svans í Hannesarholti

Söngkonan Berta Dröfn Ómarsdóttir og gítarleikarinn Svanur Vilbergsson bjóða til notalegrar jólastundar í Hannesarholti laugardaginn 5. desember.

Berta er mikið jólabarn og hefur í gegnum árin tekist að draga Svan æ lengra inn í jólastemninguna. Afraksturinn er fjölbreytt og skemmtileg efnisskrá þar sem bæði þekkt og minna þekkt jólalög fá að hljóma.

Á tónleikunum verður ferðast milli landa og tungumála og meðal annars flutt ítölsk, spænsk og ensk jólalög, auk kunnuglegra perla á borð við Hvít jól og Once Upon a December.

Berta og Svanur hafa starfað saman um árabil og leggja sig fram við að finna lög sem henta vel fyrir rödd og gítar – hvort sem þau koma úr klassíkinni eða þjóðlagaarfinum.

Tónleikarnir verða hlýleg jólastund í fallegu umhverfi Hannesarholts.